அசோகர் தூண் (Ashok Pillar) சென்னை ( பகுதி I)

அசோக் நகர் என்று பெயர் வைத்தபின் அசோகர் தூண், கலிங்கா காலனி, கலிங்கா பூங்கா, அசோகா காலனி என்று பௌத்தத்தை அடையாளப்படுத்தும் பெயர் வைக்கப்பட்டது. கலிங்கா காலனி அடுத்து அசோகா காலனி இருந்தது. இன்று நன்கு வளர்ச்சியடைந்த பின் அவ்வடையாளங்கள் பல மறைந்து போனது. 

வடபழனி 100 அடி சாலை வழியாக அசோக தூண் சென்றடைய முடியும். PT ராஜன் சாலை முடிவிலிருந்து (முதல் நிழற்சாலை, ஒட்டகப்பாளையம்)  லக்ஷ்மன் சுருதி இடையில் இருந்த பல வீடுகள் அகற்றப்பட்டு சாலை அமைக்கப்பட்டது. இச்சாலை வழியாக கோயம்பேடு பேருந்து நிலையம் வரை செல்லமுடியும். இச்சாலையில் இருந்த அசோகா காலனி (அசோகா தூண் - வடபழனி 100 அடி சாலை) காணாமல் போனது. தற்பொழுது ஜவாஹர்லால் நேரு சாலையாக மாற்றப்பட்டது.  தமிழ்நாடு வீட்டு வசதி வாரியம் காலனி, அரசு குடியிருப்பு, விடுதலை சிறுத்தைகள் கட்சி அலுவலகம் ஆகியவை அசோகா காலனியில் அமைந்தவை.   

ஏ வி எம், வடபழனி ஆலயம், வடபழனி அரசு பள்ளி, கோடம்பாக்கம் போன்றவை அசோக் நகர் உருவாக்குவதற்கு முன் அமைந்திருந்தவை. AVM இருந்து ஒட்டகப்பாளையம் வரை நீர் நதி போன்று ஒட்டிக்கொண்டு இருந்தது. இங்கு மீன் பிடிப்பர், பாம்புகள் அதிகம். 

கோடம்பாக்கம் ஆற்காட் நவாப் அவர்களின் குதிரை கோட்டையாக இருந்தது. நல்ல காட்டு பகுதியாக இருந்த கோடம்பாக்கம் குதிரைகளுக்கு நல்ல மேய்ச்சல் நிலமாக இருந்தது. உருது மொழியில் குதிரை தோட்டம் என்பது கோடபாக் என்று அழைக்கப்படும். கோடா பாக் என்பது கோடம்பாக்கம் என்று மருவியது. ஆற்காட் சாலை என்பது ஆற்காட் நவாபை குறிப்பிடும் சொல்.

வடபழனி என்பது தற்பொழுது உள்ள கோவில் பெயர். பழநி என்றால் தென்பழனியை குறிக்கும். எனவே இந்த ஆலயத்தை வடபழனி என்று குறித்தனர். 1890ம் ஆண்டு எளிய ஓலைகூரைக் கொட்டகையுடன் இக் கோயில் கட்டப்பட்டது. வடபழனி சிவன் கோவில் அருகில் உள்ள சைதாப்பேட்டை சாலை தான் வடபழனி செல்ல இருந்த இடம்.

 

பெருந்தலைவர்  காமராஜர்

பெருந்தலைவர்  காமராஜர் அவர்களால் தான் சென்னை, அசோக் நகர் உருவானது. அசோக் நகர், அசோகா தூண், கலிங்கா காலனி, கலிங்கா பூங்கா, அசோகா காலனி என்று பௌத்தத்தை அடையாளப்படுத்தும் பெயர் வைத்தார். இன்று இங்கு அடைந்திருக்கும் வளர்ச்சி என்பது காமராஜர் அவர்களால் உருவானது.

ராணி எலிசபெத் சென்னை துறைமுகத்தை விரிவுபடுத்த, சென்னை கடற்கரை சாலை குடிசை பகுதியில் (அண்ணா சதுக்கம் ஆற்று ஓரம் இரும்பொறை, இரும்பொறையை இரும்பாறை, இரும்பாரவாதி என்று மக்கள் அழைத்தனர்) நேப்பியர் பாலம் -Nepir Bridge அருகில் கன்னியப்பநகர் பகுதியில் இருந்தவர்களுக்கு மாற்று இடத்தில் குடியேற்ற கேட்டுக்கொண்டார்.

இரும்பொறை என்பது மன்னரின் பெயர். சங்க கால அரசர்களில் இரும்பொறை என்னும் பெயருடன் 7 அரசர்கள் காணப்படுகின்றனர். அவர்களின் பெயர்கள் 

• 01. பெருஞ்சேரல் இரும்பொறை, 02. இளஞ்சேரல் இரும்பொறை, 03. குட்டுவன் இரும்பொறை, 04. அந்துவஞ்சேரல் இரும்பொறை, 05. கருவூர் ஏறிய ஒள்வாள் கோப்பெருஞ்சேரல் இரும்பொறை, 06. குடக்கோச் சேரல் இரும்பொறை, 07. சேரமான் யானைகட் சேய் மாந்தரஞ் சேரல் இரும்பொறை  

அம்மக்களை அசோக் நகரில் குடியமர்த்தினார் காமராஜர். காமராஜர் குடியமர்த்திய இப்பகுதி புதூர் என்றழைக்கப்பட்டது. மல்லிகைப்பூ நகர் என்பது பழைய பெயர். தென்னை ஓலையில் கட்டப்பட்ட கூரை வீடு, கழிப்பறை, குளியலறை, கழிவு நீர், இரு வீடுகளுக்கு ஒரு கிணறு என கட்டி தரப்பட்டது. பேருந்து பணிமனை அமைத்து பேருந்து வசதிகள், அரசு மருத்துவமனைகள், அஞ்சலகம், பள்ளிகள், காவல் நிலையம், மின்சாரம் என வசதி வாய்ப்புகள் ஏற்படுத்தி கொடுத்தார்.  

புதூரை மேல் புதூர் மற்றும் கீழ் புதூர் என்று அழைக்கப்பட்டது. மேல் புதூர் மேல் சேரி என்றும் மற்றும் கீழ் புதூர் கீழ் சேரி என்றும் அழைக்கப்பட்டது. ஐந்திணைகளில் ஒன்று முல்லை. காடும் காடு சார்ந்த இடமும் முல்லை நிலமாகும். முல்லை நிலத்தின் ஊர் சேரி. சேரி என்பது வாழ்விடம். இவ்வாழ்விடத்தை கீழ்த்தரமான சொல்லாக பயன்படுத்தப்படுகிறது. மூதேவி என்பது மூத்த தேவி இச்சொல்லை  கீழ்த்தரமான சொல்லாக மாற்றியது போன்று தான் சேரி  என்ற சொல்லும் பயன்படுத்தப்படுகிறது.

கீழ் புதூர்/கீழ் சேரி :- மல்லிகைப்பூ நகர், மல்லிகைப்பூ சேரி  

மேல் புதூர்/மேல் சேரி:- கலிங்கா காலனி, சிவலிங்கபுரம் 

அசோக் நகர் என்று பெயரிட்டபின் அசோக் தூண் (1962) மற்றும் கலிங்கா காலனி உருவாக்கப்பட்டது. கலிங்கா காலனி என்ற பெயரில் தான் பேருந்துகள் இயங்கின. பெருநகர போக்குவரத்து கழகம் 1972ல்  தமிழக அரசால் தொடங்கப்பட்டது. கே.கே. நகர் பேருந்து பணிமனை 1973ல் நிறுவப்பட்டது. கலிங்கா காலனி பேருந்து பணிமனை பிறகு கே. கே நகர்பேருந்து பணிமனை என்று மாற்றப்பட்டு பேருந்துகள் இயக்கப்பட்டன. மருத்துவம், பள்ளிகள், காவல் நிலையம், சாலைகள் என பல்வேறு கட்டமைப்புகள் உருவாக்கப்பட்டன. 

மல்லிகைப்பூ சேரி மற்றும் மல்லிகைப்பூ நகர் என்பதே இதன் பழைய பெயர். மல்லிகைப்பூ சேரி என்பது 40 குடிசை பகுதி. மல்லிகைப்பூ நகர் என்பது புதூர் பள்ளி அமைந்திருக்கும் இடம். இந்த இடங்களில் மல்லிகை பூ அதிகமாக வளர்க்கப்பட்டது. 40 குடிசை பகுதி என்பது அனுமதி அட்டை பெற்று கட்டப்பட்ட இடம். ஆனால் அனுமதி அட்டை இல்லாமல் கட்டப்பட்ட இடமான ஒட்டகப்பாளையம் அட்டையில்லா நகர் என்று அழைக்கப்பட்டது. ஒட்டகப்பாளையம் முதல் தெரு முதல் பத்தாவது தெரு வரை உள்ளது. சாமியார் மாடம் அருகில்  கீரை மற்றும் முள்ளங்கி அதிகமாக பயிரிடப்பட்டது. காமராஜர் காலனி, Dr அம்பேத்கர் சாலை, சாமியார் மாடம், சுப்புராயன் நகர் எல்லாம் கொய்யா தோப்பாக இருந்தது. வீடுகள் மற்றும் தோப்பு இடங்களை காலிசெய்து தான் காமராஜர் காலனி, Dr அம்பேத்கர் சாலை உருவானது அசோக தூண் அருகில் மாந்தோப்பு  இருந்தது. .  

மாந்தோப்பு எல்லை 8ஆவது நிழற்சாலை முதல் அசோகர் தூண் வரை, 8 ஆவது நிழற்சாலை முதல் போஸ்டல் காலனி வரை, அசோகர் தூண் முதல் ராம் காலனி வரை, போஸ்டல் காலனி முதல் ராம் காலனி வரை.    

1964 தமிழ்நாடு வீட்டு வசதி வாரியம் 1970களில் அடுக்குமாடி குடியிருப்புகளை கட்டியது. கேரம் போர்டு மற்றும் கபடி தான் இங்கு விளையாட்டு.  

இங்கு பல கிணறுகள் இருந்தது. உதாரணமாக இரண்டாவது நிழற்சாலை முடிவில் ஒரு பெரிய கிணறு இருந்தது. 8, 11, 12, 13, 14 தெருக்களில் கிணறு இருந்தது. நான் இருந்த 11 வது தெருவில் இருந்த கிணறு 2000 வரை இருந்தது. ஜவஹர் வித்யாலயா அமைந்திருக்கும் இடத்தில் ஒரு கிணறு, புதூர் பள்ளியில் ஒரு கிணறு இருந்தது. ஆனால் இன்று ஒரு கிணறு கூட காணமுடியவில்லை.  

மாடுகள் அதிகமாக வளர்க்கப்பட்டு இருந்தது. எங்கள் தெருவில் 20 க்கு மேற்பட்ட மாடுகளை நானே பார்த்து இருக்கிறேன். அதிகாலையில் மாட்டு சாணம் எடுத்து வந்து தண்ணீரில் கரைத்து அதனை வாசலில் தெளித்தது பெருக்கி சுத்தம் செய்யப்படும். வெள்ளிக்கிழமை மாட்டு சாணத்தில் வீடு மெழுகப்படும். போதி பொங்கல் அன்று வீட்டு வாசலில் பழைய துணி, பாய் ஆகியவற்றை நெருப்பிலிட்டு எரிக்கப்படும். சிறிய பறைகள் ஏராளமாக விற்கப்படும். கிளிஞ்சல்கள் வாங்கி வந்து ஒரு நாள் முழுவதும் ஊறவைத்து பின்னர் அதில் தண்ணீர் ஊற்றி வீட்டிற்க்கு வெள்ளையடிக்கப்படும்   

அசோகா தூண் பகுதி

அசோகா தூண் அருகில் வேலிகாத்தான் முள் மரங்கள் அதிகமகா இருந்தது. வேலிகாத்தான் முள் மரங்கள் அதிகப்படியான நிலத்தடி நீரையும், காற்றில் உள்ள ஈரப்பதத்தையும் உறிஞ்சும் தன்மை கொண்டவை. இங்கு பெரிய கிணறு ஒன்று வெட்டப்பட்டது. குடி நீர் தேவையை தீர்க்கும் கிணறாக இருந்தது. தண்ணீர் எடுத்துச்செல்ல அவ்வளவு கூட்டம் இருக்கும் இங்கு.  

அசோகா தூண் அங்கு தான் தார் சாலை அமைக்கப்பட்டு இருந்தது. அசோகா தூண் சுற்றி இருந்த சுற்றளவு பெரியதாக இருந்தது. இன்று மிகக்குறிக்கியதாக உள்ளது மற்ற இடங்கள் மண் சாலைகள் தான். களிமண் அதிகம் அடிக்கடி வண்டி சக்கரம் இந்த மண்னில் மாட்டிக்கொள்ளும்.

சைதாப்பேட்டை தான் நன்கறியப்பட்ட இடமாக இருந்தது. இங்கிருக்கும் இடங்களையும் சைதாப்பேட்டை இடமாக அறியப்பட்டது. சைதாப்பேட்டை இருக்கும் ஆற்று நீர் மக்கள் பயன்படுத்தினார்கள். இன்று கழிவு நீர் செல்லும் ஆறாக கூவம் ஆறு மாறியுள்ளது. நீர் போக்குவரதாக, நீர் தேவையை பூர்த்தி செய்த கூவம் ஆறு கழிவு நீர் செல்லும் ஆறாக மாற்றிய மக்களுக்கும் அரசுக்கும் மனமுவந்த பாராட்டுக்கள். வட இந்தியாவில் புண்ணிய நதி என்று சொல்லும் இடங்களில் இறந்த உடல்கள் இருக்கிறது. தமிழகம் நீர் தேவையை அளித்த கூவம் நதியை சாக்கடை நீராக்கிய பெருமையை கொண்டுள்ளது. ஆற்று ஓரம் இருந்த மக்களை பாதுகாப்புக்கு என்று இடம் பெயரவைத்து பல்வேறு கட்டிடங்கள், கல்லுரிங்கள் கட்டிய அரசுக்கும் நன்றிகள். இது போன்ற செயல்களை இன்றும் நிறுத்தாமல் மக்களை காக்க கூவம் ஆற்றை மூடும் பணியை செம்மனே செய்யும் அரசுக்கு நன்றிகள்.  

கடலில் செல்லும் கப்பல்களுக்கு வழி காட்டுவதற்காக ஒளி உமிழும் விளக்குகள் பொருத்தி கடற்கரைகளில் அமைக்கப்பட்டுள்ள உயர்ந்த கோபுரம் கலங்கரை விளக்கம் (Light House). பெரிய கட்டிடங்கள் ஏதும் அப்பொழுது அசோக் நகரில் இல்லை. மிகப்பெரியதா இருந்தது அசோக் தூண் தான். அசோக் தூணில் இருக்கும் சிங்கங்கள் கலங்கரை விளக்கம் போன்று வழிகாட்டியாக அமைந்து இருந்தது என்று வயது முதிர்ந்த லாரி ஓட்டுநர் ஒருவர் குறிப்பிட்டார்.  

  

Dr அம்பேத்கர் சாலை (660 மீட்டர்) துவங்கி அசோக் நகர் 4 நிழற்சாலை (1250 மீட்டர்) அசோக் நகர் முதல் நிழற் சாலை (300 மீட்டர்) என 2210 மீட்டர் தொலைவில் உள்ளது அசோகர் தூண். அசோகர் தூண் சந்திப்புக்கு அருகில் உள்ள சமீபத்திய புதிய வசதி சென்னை ரயில் மெட்ரோ நெட்வொர்க்கின் அசோக் நகர் ரயில் நிலையம் ஆகும்.

   A) பள்ளிகள்

• கன்னியப்ப நகர், உயர் நிலைப்பள்ளி
• புதூர், அரசினர் மேல்நிலை பள்ளி
• அரசினர் மகளிர் மேல் நிலை பள்ளி
• நடேசன் சாலை, கேந்திரிய வித்யாலயா

1. சென்னை உயர் நிலைப்பள்ளி கன்னியப்ப நகர் 

அமைவிடம்: எண் 46, 83வது தெரு,  கன்னியப்ப நகர், அசோக் நகர், சென்னை 600 083.

அசோக தூண் அமைப்பதற்கு முன் கட்டப்பட்ட பள்ளி. சென்னை கடற்கரை சாலை கன்னியப்பநகர் பகுதியில் இருந்தவர்களுக்கு கன்னியப்ப நகர் என்ற இடப்பெயரும் அதே பெயரில் பள்ளியும் அமைத்து கொடுக்கப்பட்டது. அசோக் நகரில் உள்ள பழையான பள்ளிக்கூடம் கன்னியப்ப நகர் பள்ளி தான். ஓலை கூரை பள்ளியாக துவங்கப்பட்டது. மாணவர்கள் அமர்வதற்கு எந்த வசதிகளும் இல்லை. அங்கிருக்கும் மணலை மேடாக்கி அதன் மேல் அமர்ந்து இருப்பர். பள்ளி கூரையை மாற்றும்பொழுது பள்ளி ஒட்டகப்பாளையம் இடத்திற்கு மாற்றப்படும்.  மதில் சுவர் கிடையாது. பள்ளி ஒன்றாம் வகுப்பு முதல் ஐந்தாம் வகுப்பு வரை இயங்கியது. பள்ளியில் சேர அடிப்படையான தகுதி கையை தலை மேல் வைத்து காதை தொடவேண்டும். காதை தொட்டால் பள்ளியில் சேர அனுமதி. 2 Cent இடத்தைக்கொண்ட  பள்ளி.  இது ஒரு மாநகராட்சி பள்ளி (Corporation High School).  பயிற்று மொழி தமிழ்

 

இந்த பள்ளிக்கூடத்தில் தான் என் அம்மா படித்தார்கள். அம்மா படித்த அதே பள்ளிக்கூடத்தில் தான் நான், என் அண்ணன், தங்கைகள் ஒன்றாம் வகுப்பிலிருந்து ஐந்தாம் வகுப்புவரை படித்தோம். கன்னியப்ப நகர் கூரை பள்ளி 1970ல் பள்ளி கட்டிடமாக கட்டப்பட்டது. நாங்கள் படிக்கும் போழுது முதல் வகுப்பு முதல் எட்டாம் வகுப்பு வரை பள்ளி இயங்கியது. நான் படிக்கும் போது பள்ளி கட்டிடம் கட்டப்பட்டு இருந்தது. மதிற் சுவர் கட்டப்பட்டு இருந்தது. சத்துணவு வழங்கப்பட்டது. விளையாட பள்ளி மைதானம் இருந்தது.

தற்பொழுது இப்பள்ளி ஆறாம் வகுப்பிலிருந்து பத்தாம் வகுப்பு வரை உள்ளது. தற்பொழுது விளையாட்டுமிடங்கள் பள்ளி அறைகளாக மாறியுள்ளது. இப்பொழுது விளையாட்டு மைதானம் இல்லை

 2. புதூர் அரசினர் மேல்நிலை பள்ளி

அமைவிடம்:  எண் 46, 3வது நிழற்சாலை,  மல்லிகை பூ சேரி, புதூர்,  மேற்கு மாம்பலம், அசோக் நகர், சென்னை 600 083. 

அசோக தூண் அமைப்பதற்கு முன் கட்டப்பட்ட பள்ளி. இப்பள்ளி மாநில அரசு பள்ளி. இப்பள்ளி 1961 தொடங்கியது. பொன்விழா (50 ஆண்டு) 11-11-2011 அன்று கொண்டாடப்பட்டது ஆறாம் வகுப்பிலிருந்து பனிரெண்டாம் வகுப்பு வரை உள்ளது. இந்த பள்ளிக்கூடம் மதில் சுவர் இன்றி கட்டப்பட்டது.இந்த பள்ளிக்கூடத்தில் தான் ஆறாம் வகுப்பிலிருந்து பத்தாம் வகுப்புவரை படித்தேன் (1983 to  1987). பெரிய விளையாட்டு மைதானம் கொண்ட பள்ளி. புதூர் பள்ளி மேற்கு மாம்பலம் பள்ளி என்று தான் அழைக்கப்பட்டது.  நான் படிக்கும் பொழுது  மதில் சுவர் கட்டப்பட்டு இருந்தது.  பள்ளியில் ஒரு நூலகம் உள்ளது.

 

3வது நிழற்சாலை 8 ஆவது தெரு இணையும் இடத்தில் IJK அலுவலகம் உள்ளது. இங்கு SRM டியூஷன் மையம் ஒன்று கூரை கோட்டையில் துவங்கப்பட்டது. இந்த இடத்தில் தான் பொதுக்கூட்டம் நடைபெறும். பல்வேறு அரசியல் தலைவர்கள் வந்து மேடை பேச்சுகளை தந்துள்ளனர். நடிகர் அசோகன், நடிகர் ஆனந்தன், நடிகர் SSR பேசி முடித்த பின் தான் MGR அவர்கள் பேசுவார். திரும்பி செல்ல கால் வைத்து நடக்க முடியாத அளவுக்கு கூட்டம் மிகுந்து இருக்கும். MGR பேச்சை விட கலைஞர் மேடை பேச்சு இங்கு அதிகம்.

 

3. அரசினர் மகளிர் மேல் நிலை பள்ளி

அமைவிடம்: எண்13, 9ஆவது நிழற்சாலை, அசோக் நகர், சென்னை 600083

அசோக் நகர் அரசினர் மகளிர் மேல் நிலை பள்ளி சிறந்த அரசு பள்ளியாக உள்ளது. 1962 காமராஜர் அவர்களால் துவக்கிவைக்கப்பட்ட பள்ளி. இப்பள்ளி அசோகர் தூண் அருகே உள்ளது. 6 வகுப்பு முதல் 12 வகுப்பு வரை உள்ளது. குடி நீர், கழிப்பறை, விளையாட்டு மைதானம், நூலகம் ஆகிய வசதிகள் உள்ளது. மகளிர் பள்ளியில் ஆண் மற்றும் பெண் ஆசிர்யர்கள் உள்ளனர்.

     

4. கேந்திரிய வித்யாலயா

அமைவிடம்: 26P5+QPV, நடேசன் சாலை, அசோக் நகர், சென்னை 600083.

இப்பள்ளி மத்திய அரசு பள்ளி. இப்பள்ளி 1981 இல் நிறுவப்பட்டது. பள்ளியின் அலுவலக புகைப்படக் கலைஞர் சுகுமாரால் பள்ளி வளாகத்திற்குள் நுழைந்ததும் பகவான் புத்தரை காணும் படி புத்தர் சிலையை 2003ல் நிறுவினார். பெரிய விளையாட்டு மைதானம் கொண்ட பள்ளி.

B) முதலமைச்சர்  பெயரில் உள்ள சாலைகள் 

01. காமராஜர் சாலை, காமராஜர் தெரு, காமராஜர் காலனி 

02. கலைஞர் கருணாநிதி  நகர் - க.க நகர் (அ) KK Nagar

03. M G ராமசந்திரன் நகர், M G ராமசந்திரன் சந்தை (Market)

04. P T ராஜன் சாலை 

05. அண்ணா பிரதான சாலை 

06. Dr அம்பேத்கர் சாலை (மே தின தந்தை, இந்திய அரசியலமைப்பு தந்தை) 

1. காமராஜர் சாலை

காமராஜர் சாலை P.T. ராஜன் சாலை நாகாத்தம்மன் கோவில் இருந்து ESI அடையும் வரை உள்ள சாலை காமராஜர் சாலை. இரும்பொறையில் இருந்த கன்னியப்ப நகர் என்ற அதே பெயரில் இடமும் பள்ளிக்கூடமும் இங்கு அமைத்தார் காமராஜர். தெரு விளக்கு வைத்தவர். தெரு விளக்கு எண்ணெய் ஊற்றி விளக்கை எரியவைக்கும் முறை. காமராஜர் தான் மின்சாரம் தந்தது தன் கரங்களால் பொத்தானை அழுத்தி புதூர் மக்களுக்கு மின்சாரம் அளித்தவர்.

காமராஜர் தெரு திருச்செந்தூர் முருகன் கோவில் MGR நகர் அருகில் உள்ளது 

காமராஜர் காலனி Dr அம்பேத்கர் சாலை என்று அழைக்கப்படும் சாலை முன்பு காமராஜர் காலனி என்று அழைக்கப்பட்டது. அம்பேத்கர் சிலை அருகில் உள்ள காமராஜர் காலனிக்கு பழைய பெயர் புகழ் நகர்.

2. கலைஞர் கருணாநிதி  நகர் - (க.க நகர் -K K Nagar)

1966 ஆம் ஆண்டு சென்னையில் முப்பெரும்  விழா (17 செப்டம்பர் பெரியார், 15 செப்டம்பர் அண்ணா, திராவிட முன்னேற்றக் கழகம்) நடத்தி கட்சிக்கான நிதி 10 இலட்சம் திரட்ட இலக்கு வைத்து முடிவு செய்தார் கலைஞர்.  

சென்னை அசோக தூண் அருகே நாடகம் நடத்தி அந்த இலக்கினை அடைய முயற்சி செய்யப்பட்டது.  கட்சிக்கான நிதி 10 லட்சம் இலக்கு ஆனால் 11 லட்சத்தை எட்டியது.

அண்ணா பிறந்தநாள் விழாவுக்காக கலைஞர் காகிதப்பூ என்ற நாடகம் எழுதி அரங்கேற்றினார். அதில் அவரும் ஒரு பாத்திரத்தில் நடித்தார். நாடகங்களில் நடிப்பதை தன் தொழிலாக மேற்கொண்ட இராஜாத்தி அம்மாள் கலைஞருடன் நடித்தார். 

1966ல் “காகிதப்பூ“ மற்றும் பல நாடகங்களில் இராஜாத்தி அம்மாளும், கலைஞரும் ஒன்றாக இணைந்து நடித்ததின் விளைவாக இருவருக்கிடையே காதல் ஏற்பட்டது. 1966இல் செப்டம்பர் மாதம் 23ஆம் தேதி இருவரும் இரகசியத் திருமணம் செய்து கொண்டனர். இத்திருமணம் கலைஞரின் மூன்றாம் திருமணம் ஆகும்.

கலைஞர் இவ்விடங்களுக்கு பலமுறை வந்து இருக்கிறார். பல மேடை பேசசுகளையும் தந்து இருக்கிறார். 

  3. M G ராமசந்திரன் நகர் - MGR சந்தை

01.அசோக் நகர் அடுத்து கே கே நகர் அடுத்து MGR நகர் மற்றும் MGR சந்தை உள்ளது. 

02) எம். ஜி. ஆர் தலைமையில் 18-10-1973 அன்று வியாழக்கிழமை கீழ்கண்ட இருவருக்கும் திருமணம் புதூர் அசோக் நகரில் 14 வது தெரு மணமகன் இல்லத்தில் நடைபெற்றது. MGR வந்து தாலி எடுத்து கொடுத்து திருமணம் நடத்தி வைத்தார்.  

01. திரு ச. தேவதாஸ் BA ( Income Tax Administrative Officer) 115 வது அண்ணா தி.மு.க அமைப்பாளர்  

02. A . தமிழ்செல்வி

வாழ்த்துரை வழங்கியோர் 

01. நாஞ்சில் கி. மனோகரன் MA MP 

02. S D சோமசுந்தரம் MP - அண்ணா தி.மு.க கொள்கை பரப்பு செயலாளர்

03. பாவலர் மா. முத்துசாமி BA  BT MP 

04. SM துரைராஜ் MLA - அண்ணா தி.மு.க பொருளாளர் 

05. KM சுப்பிரமணியன் MLA 

06. பம்மல் நல்லதம்பி தலைமை நிலைய பொறுப்பாளர் 

07. கவிமுரசு இ முத்துராமலிங்கம் B Sc 

13 மற்றும் 14 வது தெரு இருபக்கமும் நீண்ட தென்னை ஓலை கீற்று பந்தல் போடப்பட்டு இருந்தது.  1972 ல் அண்ணா தி மு க கட்சி துவங்கப்பட்டது. 1973 ல் திருமணம் நடத்தி வைத்தார்.  திரு ச. தேவதாஸ்   அவர்கள் MGR அவர்களின் தலைமையில் திருமணம் நிகழ வேண்டி திருமண அழைப்பை MGR அவர்களுக்கு அளித்து இருந்தார். ஆனால் அன்று இடைத்தேர்தல் என்பதால் திருமண நிகழ்வை மறந்து இடைத்தேர்தலுக்கு சென்றுவிட்டார். பின்னர் தாஸ் அவர்கள் பேசிய போது தான் நினைவுக்கு வந்தது. MGR அவர்கள் இரு வழிகளை தந்தார். 

01 14-10-1973ல் அன்றே திருமணம் நடக்கட்டும் வேறு ஒரு நாள் வந்து வாழ்த்து தெரிவிக்கிறேன் அல்லது

02 வேறு ஒரு நாள் திருமணத்தை தள்ளி வைப்பது 

தாஸ் அவர்கள் MGR வந்து தாலி எடுத்து கொடுத்தால் தான் தனக்கு திருமணம் என்றதால் திருமண நாள் 14 அக்டோபர் 1973ல் இருந்து 18 அக்டோபர் 1973 அன்று மாற்றப்பட்டு திருமணம் நடந்தது. தகவல் தொழில் நுட்பம் இன்று போல் அன்று இல்லை என்றாலும், MGR  வருகையறிந்ததும்  காட்டு தீ போன்று பரவியது. புதூர் பள்ளி மாணவர்கள் மற்றும் ஆசிரியர்கள் பலரும் வந்தனர். அன்று பள்ளிக்கு சுற்று சுவர் இல்லை. 8, 9, 10, 11, 12, 13, 14 தெரு மக்கள் மற்றும் II & III நிழற்சாலை மக்கள், அண்ணா தி மு க கட்சி மக்கள்,  திருமண உறவுக்காரர்கள் என கூட்டம் அலைமோதியது. 

MGR இத்திருமண நிகழ்வில் இருந்து வெளியேற நீண்ட நேரம் ஆனது அவ்வளவு கூட்டம். இரவு ஏழு மணி அளவில் திரைப்பட விருந்து அளிக்கப்பட்டது. திரையரங்கம் போன்று வெள்ளை நிற பெரிய துணை கட்டி திரைப்படம் மக்களுக்கு காண்பிக்கப்பட்டது.      

 

18-10-1973 அன்று எம் ஜி ர் - தலைமையில் நடந்த திருமணம் (தேவதாஸ்  மற்றும் கலைச்செல்வி)  

4. P T ராஜன் சாலை  (பொன்னம்பல தியாகராஜன்) 

P T ராஜன் 1920-ல் நீதிக்கட்சியின் சார்பில் தேர்தலில் போட்டியிட்டு சென்னை மாகாண சட்டமன்ற கவுன்சில் உறுப்பினராகத் தேர்ந்தெடுக்கப்பட்டார். 1937-ல் தோல்வியைத் தழுவும்வரை அவர் சென்னை மாகாண சட்டமன்ற கவுன்சில் உறுப்பினராகச் செயல்பட்டுள்ளார். 1939-ம் அந்த ஆண்டுதான் சென்னை மகாணத்தின் முதலமைச்சராகப் பதவியேற்றார்.1944 வரை அப்பதவியில் நீடித்துள்ளார்.

P T ராஜனுக்கு ஒருகட்டத்தில் பெரியாருடன் கருத்து வேறுபாடு ஏற்பட்டது. அதன் காரணமாக நீதிக்கட்சியிலிருந்து விலகி, போட்டி நீதிக்கட்சியைத் தொடங்கினார். 1952-ல் நடந்த தேர்தலில் போட்டியிட்டு மீண்டும் சென்னை மாகாண சட்டமன்ற கவுன்சில் உறுப்பினர் ஆனார். 1957-ல் அவரது உறுப்பினர் பதவி முடிவுக்கு வந்ததிலிருந்து அவர் தீவிர அரசியலிலிருந்து படிப்படியாக ஒதுங்க ஆரம்பித்தார். பி.டி. ராஜன் திராவிட கொள்கையின் மீது மிகுந்த ஈடுபாடு கொண்டவர்.

பி.டி. ராஜன் அவர்களின் பெயரில் சாலை ஒன்று அமைக்கப்பட்டுள்ளது. சென்னையில் உள்ள கே.கே. நகரில் இருக்கும் பி.டி. ராஜன் சாலை அசோக் நகர் இரண்டாவது நிழற்சாலையும் அசோக் தூண் சாலையும் இணைக்கிறது.

5 அண்ணா பிரதான சாலை

அண்ணா பிரதான சாலை கே.கே நகர் மற்றும் அசோக் நகரை இணைக்கும் பிரதான சாலை. அண்ணா மதி வளர்ச்சி மையம் இரண்டாவது நிழற்சாலையில் அமைக்கப்பட்டிருந்தது. இது எங்கள் வீட்டிற்க்கு பின்புறம். இரண்டாவது நிழற்சாலையில் ஒரு பெரிய பள்ளம் ஒன்று இருந்தது.  

சட்டமன்றத்துக்கு தேர்ந்தெடுக்கப்பட்ட முதல் இந்தியத் திரைப்பட நடிகர் (SSR) எஸ்.எஸ்.ராஜேந்திரன். இவர் அண்ணா மதி வளர்ச்சி மையத்திற்கு பல முறை வருகைதந்துள்ளார். SSR இங்கு வருகை புரிந்த புகைப்படம் இணைத்துள்ளேன். என் சித்தப்பா சிவமணிசேகர் கைத்தறி (Co-optex) பணிபுரிந்தவர். அவர் இந்த புகைப்படத்தை தரும் பொழுது இப்படத்தில் உள்ளவர்களில் நான் மட்டும் தான் உள்ளேன் மற்றவர்கள் அனைவரும் இயற்கை எய்தினர் என்றுரைத்து கொடுத்தார். கொடுத்த சில மாதங்களில் அவரும் இயற்கை எய்தினார். இப்படத்தில் நின்று கொண்டு இருப்பவர் தான் சித்தப்பா சிவமணி அவர்கள்..

 06. Dr அம்பேத்கர் சாலை (மே தின தந்தை, இந்திய அரசியலமைப்பு தந்தை)  

G.அம்பேத்கரிஸ்ட் பேரவை  மற்றும் தியான மையம்

அமைவிடம்:  அசோக் நகர் காவல் நிலையம் அருகில் (அ)  Dr அம்பேத்கர் சாலை முடிவில் அமைந்துள்ளது. 

1967 இல் அண்ணல் அம்பேத்கர் மன்றம் இரவுப் பள்ளி துவங்கப்பட்டது. இந்த மன்ற துவங்க காரணமாக இருந்தவர் அன்பு பொன்னோவியம் அவர்கள்.ஆரம்பத்தில் குழந்தைகளுக்கான இரவுப் பள்ளியாக நடத்தப்பட்டது. இன்றும் இரவுப் பள்ளி நடந்துகொண்டு இருக்கிறது. ஓவிய பயிற்சியையும் அளித்துக்கொண்டு இருக்கிறது.  

அண்ணல் அம்பேத்கர் மன்றம் இரவுப் பள்ளி என்ற பெயரை 1974ல் அம்பேத்கரிஸ்ட் பேரவை என மறுபெயரிடப்பட்டது. 2003ல் அம்பேத்கரிஸ்ட் பேரவை என்ற பெயரை அம்பேத்கரிஸ்ட் பேரவை மற்றும் தியான மையம் என மறுபெயரிடப்பட்டது. மகா பண்டிதர் அயோதீதாசர், எம்.சி.ராஜா, மேயர் சிவராஜ், அன்னை மீனாம்பாள் போன்ற தலைவர்களின் உருவப்படங்களை மன்ற சுவரில் வரையப்பட்டன. இந்தச் சங்கம்தான் பூனா ஒப்பந்தம் பற்றிய புத்தகத்தை முதலில் தமிழில் வெளியிட்டது. 

C. பேருந்து நிலையம்

இங்கு பேருந்துகள் கலிங்கா காலனி என்றே இயங்கியது. பின்னர் கலிங்கா காலனி என்பது கே கே நகர் பணிமனை என்று மாற்றப்பட்டது. இங்கு இயங்கிய பேருந்துகளில் தற்பொழுது வரை புதூர் அரசு பள்ளி வழியாக செல்லும் பேருந்து தடம் எண் 17D மட்டுமே (கே கே நகர் - பிராட்வே).  

கீழ் கண்ட வழித்தட எண்கள் தற்பொழுது இயக்கப்படவில்லை. 

25E (கே கே நகர்- அண்ணா சதுக்கம்),

37D (கே கே நகர்-வள்ளலார்  நகர்) 

28D (கே கே நகர்- திருவொற்றியூர்)  

அப்பொழுது தார் சாலை வசதில்லை. எல்லாம் மண் சாலை தான். பேருந்துகள் சென்றால் புழுதி பறக்கும். புது ஊர் வழியாக பேருந்துகள் செல்லும். பேருந்துகள் சிவப்பு வண்ணம் கொண்டது. சாலைகள் செம்மண் மற்றும் களிமண் கலந்திருந்தது. இதனால் போக்குவரத்தின் போது அதிக புழுதி மற்றும் தூசு பறக்கும். பேருந்துகள் R3 காவல் நிலையம் வழியாக செல்லும். 17D, 37D இரண்டாவது நிழற்சாலை வழியாக சென்றது.

ESI மருத்துவமனை அடுத்து பேருந்து பணிமனை அமைந்துள்ளது. இப்பகுதிகள் நல்ல வளர்ச்சியை நோக்கி இருந்தது. அதற்க்கு அடுத்து இருக்கும் MGR நகர், MGR சந்தை நெசப்பாக்கம் பெருளாதார வளர்ச்சி குறைவாக இருந்தது. இங்கு அதிகமாக குடிசைகள், மாடுகள், புள் வேலிகள் இருந்தது. நெசப்பாக்கம் பெரிய புல் மைதானம் இருந்தது அங்கு தான் மாடுகள் அழைத்து சென்று மேய்த்து விட்டு வருவார்.  இங்கு பேருந்து வசதிகள் தரப்படவில்லை. பேருந்துகள் ESI அடுத்து பேருந்து மணிமனை சென்றுவிடும். ஆனால் தற்பொழுது ESI அடுத்து காமராஜர் சாலை, PT ராஜன் சாலை, சிவன் பூங்கா, நெசப்பாக்கம், MGR நகர் சென்று பணிமனை செல்கிறது.     

1954 ஆம் ஆண்டு அயோத்தியா மண்டபம் கட்டப்பட்டது. ஆனால் அவ்வழியாக பேருந்துகள் செல்லாது. அவ்விடங்களுக்கு குட்டை கடை என்று பெயர். அதிகமான குட்டைகள் இருந்தது. மழை வந்தால் தண்ணீர் அதிக அளவு தேங்கி நிற்கும். இன்றும் இந்நிலை மாறவில்லை.

பேருந்து நிலையம். கலைஞர் கருணாநிதி நகர் (க.க நகர் -K K Nagar) பேருந்து நிலையம் 22/01/1973 நிறுவப்பட்டது. கலைஞர் கருணாநிதி நகர் க.க நகர் என்பது கேலியாக போனதால் K.K நகர் என அழைக்கப்படுகிறது.  

D. காவல் நிலையம்

01. அஞ்சுகம் - நல்லான்குப்பம் பகுதியில் காவல் நிலையம் அமைக்கப்பட்டது. இன்று அமைந்திருக்கும்  அஞ்சுகம் பள்ளி (64, ஜூபிலி ரெட், கோகுலம் காலனி, ராமகிருஷ்ணாபுரம், மேற்கு மாம்பலம், சென்னை, 600033) இடத்தில் தான் முன்பு R3 காவல் நிலையம் அமைந்திருந்தது. 

02. அதன் பின்னர் ஓட்டக்கப்பாளையம் என்று அழைக்கப்பட்ட இடத்தில் R3 காவல் நிலையம் இயங்கியது. இன்று ஜவஹர்லால் நேரு சாலை என்று அழைக்கப்படும் இடத்தில் லட்சுமணன் சுருதி அருகில் காவல் நிலையம் இயங்கியது.  

03.இறுதியாக அதன் பின் R3 காவல் நிலையம் II நிழற்சாலையில் நான்கு பிரிவுகளில் இயங்குகிறது.  

01. மகளிர் காவல்

02. போக்குவரத்து  காவல்

03. சட்டம் ஒழுங்கு காவல் (Law and Order) 

04. குற்றவியல் காவல் (Crime)

காவலர் பயிற்சி கல்லூரி 2, நடேசன் சாலை, அசோக் நகர், சென்னை     600083. இது 1974 இல் நிறுவப்பட்டது.

E.கோவில் மற்றும் பூங்கா

1.அருள் மிகு முத்துமாரியம்மன் ஆலயம் :

2. அருள்மிகு மல்லிகேசவரர் திருக்கோயில்

3. கலிங்கா பூங்கா / சிவன் பூங்கா

  1.அருள் மிகு முத்துமாரியம்மன் ஆலயம் : 

அமைவிடம்: அருள் மிகு முத்துமாரியம்மன் ஆலயம், 8 வது, அசோக் நகர், சென்னை 600083.

அசோக் நகர் இரண்டாவது தெருவில் பெரிய பொது கிணறு ஒன்று இருந்தது. அம்மன் சிலை ஒன்றை அசோகர் தூண் நிறுவுவதற்கு முன் ஓலை கூரையில் கோவில் இருந்தது.  தற்பொழுது கும்பா அபிஷேகம் முத்துமாரியம்மன் கோவிலில் நடைபெற்றது.

 2. அருள்மிகு மல்லிகேசவரர் திருக்கோயில்

அமைவிடம்: அசோகா தூண் மற்றும் நடேசன் சாலைக்கும் இடையில் (அ) அசோக் நகர் காவல் பயிற்சி கல்லூரி அருகில் அமைந்துள்ளது. இந்த பகுதியில் பழமையான கோவில் அருள்மிகு மல்லிகேசவரர் திருக்கோயில்.

  

3. கலிங்கா பூங்கா / சிவன் பூங்கா

அமைவிடம்:  பி.வி. ராஜமன்னார் சாலை, 3 செக்டர், கே கே நகர், சென்னை78 

A V மெய்யப்பன் அவர்கள் ஒரு திரைப்பட காட்சிக்கு கலிங்கா பூங்காவில் சிவன் சிலையைமைத்தர். அக்காட்சிகள் முடிந்த பின் சிவன் கட்டுமானத்தை அகற்றும் பொழுது மக்கள் எதிர்ப்பு தெரிவித்தனர். அதனால் சிவன் சிலையை அகற்றாமல் சென்றனர். இதனால் தான் இங்கு கலிங்கா பூங்கா சிவன் பூங்காவாக உருவானது. கலிங்கா பூங்கா தன்னுடைய பெயரை மட்டுமல்ல அங்கிருந்த அடையாளங்களை இழந்தது. 

சிவன் பூங்கா, ஜீவா பூங்கா, கலைஞர் பூங்கா MGR பூங்கா என்று கலிங்கா பூங்கா பெயர் மாறிக்கொண்டே வந்து தற்பொழுது சிவன் பூங்கா என்று பெயர் பெற்றுள்ளது. கலிங்கா காலனி சிவன் பூங்காவில் இருந்தது தொடர்கிறது. சிவன் பூங்கா அருகில் சிவலிங்கபுரம் என்ற இடம் உள்ளது. சிவலிங்கபுரத்திர்க்கும் சிவன் பூங்காவிற்கும் எந்த தொடர்பூம் இல்லை. சிவலிங்கபுரம் மொழி போர் தியாகின் நினைவாக வைக்கப்பட்டது.

    F.அரசு புறநகர் மருத்துவமனை

மாண்புமிகு மக்கள் நல்வாழ்வு மற்றும் குடும்ப நலத்துறை அமைசர் திரு ஆர்.சௌந்தரராசன் தலைமையின் கீழ் மாண்புமிகு  கல்வி அமைச்சர் திரு செ அரங்கநாயகம் அவர்களால் 30-04-1979 மலை 4.30 மணிக்கு தொடங்கி வைக்கப்பற்று திரு இரா ஆதிமூலம் தலைமை கொத்தன்னார் அவர்களால் அரசு புறநகர் மருத்துவமனை  அசோக் நகர் திறக்கப்பெற்றது. 100 படுக்கைகள் கொண்ட புற மருத்துவமனையின் கட்டுமானம் நான்கு மாடிகளுக்கு செலவு 29.80 லட்சம்  4256 சதுர மீட்டர் வடிவமைக்கப்பட்டுள்ளது. இம்மருத்துவமனை இம்மக்களுக்கு பேருதவியாக இருந்தது. ஆனால் இன்று வரை அவசர சிகிச்சை மருத்துவ உதவிகள் ஏதும் இங்கில்லை.   

- -  - >>> தொடரும் 

சபரிமலை கோவில் புத்த விகாராகும்

01. உச்ச நீதிமன்றம் சபரிமலை கோவில் தடைகளை நீக்கியது

01. இந்துக்கள் அல்லாதவர்கள், சபரிமலை ஐயப்பன் சிலைகளை வழிபடாதவர்களுக்கும் சபரிமலை கோவில்களுக்குள் செல்ல உரிமை இல்லை.  

02. இந்துவாக இருந்தாலும் சபரிமலை ஐயப்பன் கோவிலுக்குள் 10 வயது முதல் 50 வயதுக்குட்பட்ட பெண்கள் செல்ல உரிமை இல்லை. சபரிமலை கோவிலுக்குள் பெண்கள் செல்வதற்கு பழங்காலத்தில் தடை ஏதும் இல்லை. சபரிமலை கோவில் புத்த கோவிலாகும் என கேரள அரசு உயர்நீதிமன்றத்தில் தெரிவித்துள்ளது. தற்போது உச்ச நீதிமன்றம் இந்தத் தடைகளை நீக்கியுள்ளது.  

02.சரணம் மந்திரத்துடன் தொடர்புடைய வேறு எந்த கடவுளும் இந்து  மதத்தில் இல்லை.

சரணம் என்ற சொல் பௌத்த மதத்தில் இருந்து உருவானது. திரி சரணம் வழிபாடு.

புத்தம் சரணம் கச்சாமி

தம்மம் சரணம் கச்சாமி

சங்கம் சரணம் கச்சாமி

புத்தரை, அறிவொளியை, பௌத்த சங்கத்தை அடைக்கலம் புகுகிறேன் என்பது அதன் பொருள். இது துறவு மற்றும் மன ஒழுக்கத்தை பரிந்துரைக்கும் பௌத்த கொள்கை. இன்று இவை சபரிமலையில் சுவாமி சரணம் அய்யப்போ என மாறிவிட்டன.

03. இந்து மதத்தில் சாதிய வேறுபாடே முதன்மையானது.

சபரிமலையில் வர்க்கப் பாகுபாடு இல்லை. ஐயப்ப பக்தர்கள் தங்களை மற்றும் ஒருவரையொருவர் அய்யப்பாக்கள் என்று குறிப்பிடுகிறார்கள். இது பௌத்தத்தின் அம்சமாகும். சமத்துவத்தை குறிப்பிடுகிறது. 

 04. சாஸ்தா வழிபாடு புத்தரின் வழிபாட்டிலிருந்து உருவானது

சாஸ்தா வழிபாடு புத்தரின் வழிபாட்டிலிருந்து உருவானது.  சாஸ்தா என்பது புத்தரின் பெயர். சாஸ்தா என்பதை தமிழில் சாத்தான் என்று குறிப்பிடப்படுகிறது. சாத்தான் என்பது இழிவான சொல் என்பது போன்று உருவாக்கப்பட்டுவிட்டது. மூதேவி என்பது மூத்த தேவி என்று பொருள். மூதேவி என்ற சொல் இழிவான சொல்லாக பார்க்கப்படுகிறது. இந்து மத நூல்களில், புராணங்களில் தர்ம சாஸ்தா கடவுளைப் பற்றி குறிப்பிடப்படவில்லை. சுவாமி சரணம், தர்மசாஸ்தா சரணம் என மாறிவிட்டன. அய்யப்பன் பெரும்பாலும் தர்மசாஸ்தா என்று அழைக்கப்படுகிறார். சாஸ்தா என்பது புத்தரின் மற்றொரு பெயர். இந்த ஐயப்ப வழிபாட்டு முறை இந்தியாவின் வட பகுதிகளில் காணப்படவில்லை. டி.ஏ.கோபிநாத ராவ் ஆரம்பகால இந்து இலக்கியங்களில் ஐயப்பனைப் பற்றிய குறிப்பு இல்லை என்றுரைக்கிறார்.

05. சீலம்

அய்யப்ப பக்தர்கள் புனித யாத்திரைக்கு முந்தைய இரண்டு மாதங்களில் சீலத்தை கண்டிப்பாகப் பின்பற்றுகிறார்கள். சீலம் (சீல) என்னும் பாலி மொழிச்சொல்லுக்கு ஒழுக்கம் என்பது பொருளாகும். சீலத்தை  பஞ்ச சீலம் (ஐவகையொழுக்கம்), அஷ்ட சீலம் (எட்டு ஒழுக்கங்கள்) தசசீலம் (பத்து ஒழுக்கங்கள்) என்று மூவகையாக பிரிக்கப்பட்டுள்ளது. 

01 . பஞ்ச சீலம் - இல்லறத்தாருக்கு உரியது 

02 . அஷ்ட சீலம் - சற்று உயர் நிலை அடைந்தவருக்கு உரியது

03 . தச சீலம் - இல்லறம் துறந்த பிக்குக்கு உரியது. 

 

உடலால், நாவினால், மனதால் தவிர்க்க வேண்டிய தீவினைகள்

உடலால்  01. கொலை 02.களவு 03.காமம்

நாவினால் 04.பொய் கூறல் 05.புறங் கூறல் 06. கடுஞ் சொல் கூறல் 07.பயனில் சொல் கூறல்

மனதால் 08.வெஃகல் - பிறர் பொருள் விழையாமை 09. பொல்லாக் கட்சி 10.வெகுளல். 

அய்யப்ப பக்தர்கள் களவு,  பொய், உல்லாசப்பயணங்கள், சூதாடுதல், போதையூட்டும் பொருட்கள், புகைப்பிடித்தல், விளையாட்டு வேடிக்கைகள் தவிர்த்தல், படுக்கை, தலையணைகளை நீக்கி தன் சிறு துண்டை மட்டும் தரையில் விரித்து படுத்தல் போன்றவை பௌத்தர்கள் கடைப்பிடிக்கும் சீலத்தை ஒத்திருக்கிறது. இந்த சீலங்களை இந்து/வைதீக கடவுள்களே பின்பற்றுவதில்லை பக்தர்கள் பின்பற்றுகின்றனர் என்றால்  சபரிமலை  புத்த விகாரக இருந்தது என்பதற்கு சான்று. 

 06. சபரிமலை முதலில் பழங்குடியினரின் வழிபாட்டுத் தலம்

இன்றும் அய்யப்ப பக்தர்கள் அணியும் ஆடைகள் அட்டவணை படுத்தப்பட்ட/பழங்குடியினரைப்(SC/ST) பிரதிநிதித்துவப்படுத்துகின்றன.

07. ஐயப்பன் முத்திரை (கற்பிக்கும் கை) புத்தரின் முத்திரை

அய்யப்பனுக்குக் கூறப்படும் முத்திரை கற்பிக்கும் கை. கையின் ஆள்காட்டி விரலை கட்டை விரலுடன் இணைத்து, மற்ற மூன்று விரல்களும் வானோக்கிய வண்ணம் நீண்டிருக்கும்.  கட்டை விரல் மற்றும் ஆள்காட்டி விரல் முனைகளில் ஒரு வட்டம் உருவாகும். இம்முத்திரையை வியக்கான முத்திரை, பாதி அறவாழி கை (தம்ம சக்கர முத்திரை) எனவும் அழைக்கப்படுகின்றது. புத்தர் தனது போதனைகளை விளக்கும் போது அடிக்கடி பயன்படுத்தப்பட்டது கற்பிக்கும் கை. கற்பிக்கும் கை அறிவுசார்ந்த வாத, விவாதத்திற்கான குறியீடு.

பழவேற்காடு புத்தர் சிலை

 பழவேற்காடு கடலில் ஐம்பொன் புத்தர் சிலை கண்டெடுப்பு

பொன்னேரியை அடுத்த பழவேற்காடு பகுதியில் 17/01/2017 காணும் பொங்கலை முன்னிட்டு திரளான பொதுமக்கள் குவிந்து இருந்தனர். மீஞ்சூரை அடுத்த திருநிலை கிராமத்தைச் சேர்ந்த சங்கர் மற்றும் அவரது உறவினரான சென்னை வண்ணாரப்பேட்டையை சேர்ந்த பெண் காவலர் சுமதி ஆகியோர் குடும்பத்தினருடன் பழவேற்காடு வந்து இருந்தனர்.

இவர்கள் அங்குள்ள கலங்கரை விளக்கம் குப்பம் (Light House) பகுதியில் கடலில் குளித்துக் கொண்டிருந்தனர். அப்போது ஒரு மர்ம பொருள் அவர்களின் காலில் தட்டுப்பட்டது. அதை கையில் எடுத்து பார்த்தபோது சுமார் 3 அடி உயரம் உள்ள ஐம்பொன் புத்தர் சிலை என்பது தெரியவந்தது.

கடலில் கண்டெடுத்த புத்தர் சிலையை திருப்பாலைவனம் காவல் ஆய்வாளரிடம் (Police Inspector) ஒப்படைத்தனர். அவர், பொன்னேரி தாசில்தாரிடம் ஒப்படைத்தார். அந்த சிலையை பெற்றுக்கொண்ட தாசில்தார், இதுபற்றி தொல்பொருள் ஆய்வு அதிகாரிகளுக்கு தகவல் கொடுத்தார்.

தொல்பொருள் ஆய்வு அதிகாரிகளின் ஆய்வுக்கு பிறகே இந்த புத்தர் சிலை எந்த காலத்தில் செய்யப்பட்டது?, அதன் மதிப்பு என்ன? என்பது உள்ளிட்ட விவரங்கள் தெரியவரும் என பொன்னேரி வருவாய்த்துறை அதிகாரிகள் தெரிவித்தனர்.

தற்பொழுது காஞ்சீவரம்  அருங்காட்சியகத்தில் உள்ளது இச்சிலை.

பழவேற்காடு கடலில் ஐம்பொன் புத்தர் சிலை கண்டெடுப்பு

குடியரசு தினமே உண்மையான சுதந்திர தினம்

நம் நாட்டை ஆங்கிலேயர் ஆட்சி செய்தனர். இந்திய சுதந்திர தினத்திலிருந்து ஆங்கிலேயர்கள் இந்தியாவை ஆட்சி செய்யமாட்டார்கள். ஆனால் அவர்களின் அரசியலமைப்பு தான் இந்தியாவை ஆளும். 1947லிருந்து 1950வரை ஆங்கிலேயர் அரசியலமைப்பு படி இந்தியா இயங்கியது. 1950லிருந்து இந்தியா இந்திய அரசியமைப்பு படி இந்தியர்கள் ஆட்சி செய்கின்றனர். குடியரசு தினமே உண்மையான சுதந்திர தினம். இந்தியாவிற்கு வருட பிறப்பு என்பது 26 ஜனவரி (குடியரசு தினம்).         

உதாரணமாக அண்டை நாடான சிறிலங்கா சுதந்திரம் அடைந்தது 1948ல் ஆனால் அவர்களின் அரசியமைப்பு 24 ஆண்டுகள் கடந்து 1972ல் நடைமுறை படுத்தப்பட்டது. சுதந்திரமடைந்து 24 ஆண்டுகள் ஆங்கிலேயர் அரசியலமைப்பு படி சிறிலங்கா இயங்கியது. 

தேசியக் கொடி

கொடி உருவான வரலாறு 1947ல் இந்தியா சுதந்திரம் பெறுவதற்கு சில நாட்களுக்கு முன்னர், ராஜேந்திர பிரசாத்தை தலைவராகவும், மவுலானா அபுல் கலாம் ஆசாத், கே.எம். பணிக்கர், சரோஜினி நாயுடு, சி.ராஜகோபாலச்சாரி, கே.எம். முன்ஷி, மற்றும் பி.ஆர்.அம்பேத்கர் ஆகியோரையும் குழு நபர்களாக கொண்ட அமைப்பு, தேசியக் கொடியாக ஒரு கொடியை, நியமிக்க விவாதித்தது.

23 ஜூன் 1947 அன்று தொடங்கிய அவ்விவாதம், மூன்று வாரங்களுக்கு பிறகு, 14 ஜூலை 1947 அன்று முடிவடைந்தது. இந்திய தேசியக் கொடிக்கு எவ்வித மத சாயலும் இருக்கக் கூடாதென்று முடிவெடுக்கப்பட்டது.  இந்திய தேசியக் கொடி, முதல் முதலாக சுதந்திர இந்தியாவில், 15 ஆகஸ்ட் 1947ஆம் நாள் ஏற்றப்பட்டது. இந்தியா குடியரசு நாடான பிறகு, 1951-ல் இந்திய தரக்கட்டுப்பாட்டுத் துறையால் தேசியக்கொடிக்கு முதன்முதலாக அளவுமுறை நிர்ணயிக்கப்பட்டது.

தேசிய கொடியின் வண்ணம் மூன்று (காவி, வெண்மை, பச்சை) என்று தான் சொல்லிக்கொடுக்கப்படுகிறது.  தேசிய கொடியின் நடுவில் இடம் பெற்றுள்ள நீல நிற அசோக சக்கரம் சொல்லிக்கொடுக்கப்படுவதில்லை. தேசிய கொடியில் அசோக சக்கரம் வாழ்க்கை சுழற்சியை குறிக்கும் வகையில் அமைந்துள்ளது.

சுதந்திர தினம் மற்றும் குடியரசு தினம் வேறுபாடுகள்.

• 15 ஆகஸ்ட்  1947 ஆம் ஆண்டு ஆங்கிலேயர் ஆட்சியில் இருந்து இந்தியா சுதந்திரம் பெற்ற நாள் சுதந்திரதினம்.

• இந்திய அரசியலமைப்பு 26 ஜனவரி  1950 இல் நடைமுறைக்கு வந்த தேதியைக் குறிக்கிறது குடியரசு தினம்.

• பிரிட்டிஷ் ஆட்சியிலிருந்து நள்ளிரவில் விடுதலை பெற்றது. ஆனால் நம் நாடு பிரிட்டிஷ் அரசியலமைப்பைப் பின்பற்றி பிரிட்டிஷ் மன்னரை அதன் தலைவராக அங்கீகரித்தது.

• இந்திய அரசியலமைப்பைப் பின்பற்றி இந்திய குடியரசு தலைவர் அதன்  தலைவராக அங்கீகரித்தது. இந்தியாவில் அனைவரும் சமம் (ஆண்/ பெண், சாதி, மதம், மொழி, கலாச்சாரம்) என்று சொல்லும் ஒன்று.

• செங்கோட்டை, புது தில்லியில் இந்தியப் பிரதமரால் கொடி ஏற்றுதல். சுதந்திர தினத்தில் நடைபெறும். கம்பத்தின் அடிப்பகுதியில் கொடி கட்டப்பட்டு செங்கோட்டையில் பிரதமர் கொடி ஏற்றுவார்.

• ராஜ்பாத் , புது தில்லியில் இந்திய ஜனாதிபதியால் குடியரசு தினத்தன்று கொடி மூடப்பட்டு கம்பத்தின் உச்சியில் கட்டப்பட்டு முடிச்சை இழுப்பதன் மூலம் ஜனாதிபதி கொடியை இறக்குகிறார்.

• சுதந்திர தினத்தில் பெரிய தேசிய இராணுவ அணிவகுப்பு இல்லை.

• குடியரசு தினத்தன்று இராணுவ அணிவகுப்பு நடைபெறும்.

• சுதந்திர தினத்தில் பொதுவாக தேசிய விருதுகள் வழங்கப்படுவதில்லை.

• ஆனால் குடியரசு தினத்தன்று  தேசிய விருதுகள் வழங்குதல் நடைபெறும்

இந்திய குடியரசுதினத்தில் அதை படைத்தவர் பற்றி பேசுவதில்லை ஏன்?

இந்திய குடியரசு தினத்தில் குடியரசு தின படைப்பை பற்றி பேசப்படுகிறது. ஆனால் அதை படைத்தவர் பற்றி பேசுவதில்லை. இப்படி பேசாமல் இருந்தால் உயிரில்லா உடம்பு போன்றது, அது இயக்கமற்றது. அரசியல் சாசனம் எழுதியது SC இனத்தை சேர்ந்தவர் எனவே பேசுவதில்லை. அரசியல் சாசனம் SC இன மக்களுக்கா எழுதப்பட்டது? - S.ஜெயராஜ் MA ML.

குடியரசு நாளுக்கும் காந்திக்கும் எந்த தொடர்புமில்லை

01) இரண்டு வாரமாக செய்தித்தாள்களில், தொலைக்காட்சிகளில் தமிழக தலைவர்களின் புகைப்படங்கள் தாங்கிய வாகனங்கள் ஒன்றிய அரசால் நிராகரிக்கப்பட்டதை விவாதமாக நடத்தப்பட்டுள்ளது. குடியரசு நாள் தினத்திற்கும் நிராகரிக்கப்பட்ட தலைவருக்கும் எந்த தொடர்புமில்லை. 

02) 1967லிருந்து சமூக ஆட்சியை அமைத்தோம் என்னும் திராவிட ஆட்சி குடியரசு நாள் அன்று காந்தி படத்தை வைத்து கொடியேற்றியதும் உண்டு. 15/08/1947 சுதந்திரம் பெற்ற நாள். 5 மாதம் கழித்து 30/01/1948ல் காந்தியின் வாழ்வு முடிந்துவிட்டது. 26/01/1950 குடியரசு நாள். காந்தியின் இறப்புக்கு பின் குடியரசு நாள். காந்திக்கும், குடியரசு நாளுக்கும் எந்த தொடர்புமில்லை. ஆனால் காந்தி படத்தை வைத்து இன்றும் கொடியேற்றி குடியரசு தினம் கொண்டாடி வருகின்றனர். - (BSP) மாநில தலைவர் திரு K.ஆம்ஸ்ட்ராங் 

TT கிரிஷ்ணமாச்சாரி - இந்த நாடே Dr அம்பேத்கருக்கு நன்றி சொல்லவேண்டும்-  

அரசியலமைப்பு தினம் என்று சொன்னால் Dr அம்பேத்கரை தவிர வேறு யாரையும் சொல்லமுடியாது. அரசியல் நிர்ணய சபையில் 7 பேர் கொண்ட உறுப்பினர்களை கொண்டது. ஒரு உறுப்பினர் பதவி விலகினார் (Resigned). ஒரு உறுப்பினர் இயற்க்கை எய்தினார் (Death). ஒரு உறுப்பினர் வெளிநாடு சென்றுவிட்டார் (America). இரு உறுப்பினர்கள் கலந்துக்கொள்ளவேயில்லை. ஒரு உறுப்பினர் உடல் நலம் குறைவு (Sick). இந்திய அரசியமைப்பு என்பது (One Man Job) ஒருவரால் உருவாக்கப்பட்டது. எனவே இந்த நாடே Dr அம்பேத்கருக்கு நன்றி சொல்லவேண்டும். (BSP) மாநில தலைவர் திரு K.ஆம்ஸ்ட்ராங்

திருவள்ளுவரின் திருவுருவம்

பிரான்சிஸ் ஒயிட் எல்லீஸ்  ( Francis Whyte Ellis) (1777–1819) 

19 ஆம் வயதில் சென்னைக்கு வந்தார் எல்லிஸ். பின்னர் மாவட்ட ஆட்சியாளரானார். 1812ல் Madras Literary Society சென்னைக் கல்விச் சங்கம் உருவாக்கினார். திருவள்ளுவருக்கு முதன் முதலில் உருவம் கொடுத்தவர் எல்லீஸ். திருவள்ளுவரின் உருவம் பொறித்து பத்து ரூபாய் தங்கக் காசு வெளியிட்டார் எல்லீஸ். சென்னையின் நாணயசாலை எல்லீஸ் பொறுப்பில் இருந்த காலத்தில் வெளியிட்டார். எல்லீஸ் துரை தமிழை நன்கு கற்றவர். தமிழ் மீது கொண்ட காதலால் தனது பெயரை எல்லீசன் என தமிழ்ப்படுத்திக் கொண்டார். திருக்குறளில் அறத்துப்பாலின் முதல் 13 அதிகாரங்களை ஆங்கிலத்தில் 1819-ல் மொழிபெயர்த்து உரை எழுதி அச்சிட்டிருக்கிறார்.   அவருடைய மொழிபெயர்ப்பே ஆங்கிலத்தில் திருக்குறளின் முதல் மொழிபெயர்ப்பாகும். திருக்குறள் சொற்ப பிரதிகளே அச்சிடப்பட்டது. அவர் பழங்குடியினரிடையே  அதிகம் வாழ்ந்தார் அவர்களின் சிந்தனை பழக்க வழக்கங்கள் முழுமையான அறிவை கொண்டிருந்தார்.

 

திருவள்ளுவரின் திருமேனி தாங்கிய தங்கக்காசு. 

இந்த நாணயத்தின் ஒரு புறம் திருவள்ளுவரின் உருவமும் மற்றொரு புறம் நட்சத்திரமும் பொறிக்கப்பட்டுள்ளது. காசின் முன்புறத்தில் ஒரு பீடத்தின் மீது தியான நிலையில் அமர்ந்திருக்கிறார்.  வலது கை தொடை மீதும் இடது கை ஒரு சுவடியை ஏந்தியும் உள்ளது.  இடையில் தட்டுச் சுற்றாக வேட்டியும் இடது தோளில் மடித்துப் போட்ட துண்டும் அணிந்துள்ளார். மழித்த தலை; தலைக்கு மேலே ஒரு குடை. பீடத்துக்கு முன் ஒரு தீர்த்த பாத்திரம் காணப்படுகிறது.

 நாணய காலம்

அரசு சென்னை ஜார்ஜ் கோட்டையில் முதன் முதலாக 1807-ம் ஆண்டு ஏப்ரல் மாதம் இயந்திர நாணய சாலையை நிறுவி தங்கம், வெள்ளி மற்றும் செப்புக் காசுகளை வெளியிடத் தொடங்கியது. 1817-ம் ஆண்டும் டிசம்பர் மாத இறுதியில் தங்க வராகன்கள் அச்சடிப்பது நிறுத்தப்பட்டு விட்டது. ஆகையால் இக்காசு 1807-ம் ஆண்டு முதல் 1817-ம் ஆண்டு வரையிலான பத்தாண்டு காலத்துக்குள் வெளியிடப்பட்டிருக்க வேண்டும் என்று நிச்சயமாகச் சொல்ல முடியும்

  திருக்குறள் மூல சுவடியை கொடுத்தது யார்?

திருவள்ளுவர் யார் என்ற நூலின் ஆசிரியர் கௌதம சன்ன பதிவு. கொடியாண்டி என்ற கந்தப்பன் (மகா பண்டிதர் அயோத்திதாசரின் பாட்டனார்) மைலாப்பூரில் இருந்த மருத்துவர். அவர் கந்தப்பனார், கந்தப்பன் பிள்ளை எனவும் அழைக்கப்பட்ட்டர். அவர் ஏராளமான தமிழ் ஓலை சுவடிகளை பாதுகாத்து வைத்திருந்தார். அவர் George Harrington ஆரிங்க்டன் என்னும் ஆங்கில அதிகாரியிடம் பட்லராக பணியாற்றினார். 1810  ஆரிங்க்டன் அவர்களுக்கு திருக்குறள் ஓலை   சுவடியை கொடுத்தார். 

ஆரிங்க்டன் எல்லிஸ் அவர்களுக்கு தான்  கந்தப்பனாரிடம் இருந்து  பெற்ற திருக்குறள் ஓலை சுவடியை கொடுத்தார்.  திருக்குறள் ஆரிங்க்டன் மற்றும் எல்லிஸ் ஆகியோரால் அச்சில் ஏறியது.

எல்லிஸ் அவருடைய மொழிபெயர்ப்பே ஆங்கிலத்தில் திருக்குறளின் முதல் பதிப்பு எல்லிஸ் என்பது தவறு. 

வீரமாமுனிவர் (Constantine Joseph Beschi) லத்தின் மொழியில் 1730ல் திருக்குறளை வெளியிட்டார்.

என். ஈ கின்டர்ஸ்லி (Nathaniel Edward Kindersley) 1794ல்   ஆங்கிலத்தில் வெளியிட்டார். 

Dr ஆகஸ்ட் பிரடெரிக்   காமரர் Dr August Friedrich Caemmerer 1803ல்  ஜெர்மனில் திருக்குறளை வெளியிட்டார்.

திருவள்ளுவருக்கு முதன்முதலாக உருவம் கொடுத்து தங்கக்காசு வெளியிட்ட ஆங்கிலேயர்l

ஆங்கிலேயத் தமிழறிஞரின் சாலை

இந்தியாவில் சாதிகள்

இறுதி உரை

ஒவ்வொரு மாதம் மூன்றாவது ஞாயிறு மாலை அபியில் (BAWS)  பாபா சாகிப் எழுத்தும் பேசும்  ஒரு தலைப்பில் உரை நிகழ்த்தப்படும். பின்னர் அந்த உரையில் இருந்தது சந்தேகங்கள் கேட்கப்படும். கொரோனவால் நீண்ட நாள் உரை நிகழ்த்தப்படவில்லை. அபி உரை இந்த முறை அம்பேத்கர் அறிவாலயம், 40, பாரதி நகர், ஜாமின் பல்லாவரத்தில் 20/08/2023 அன்று இந்தியாவில் ஜாதிகளின் தோற்றம் இயக்கம் வளர்ச்சி - தொகுதி 1 முதல் அத்தியாயம்  உரையை அளித்தார் மகா உபாசகர் திரி ஜெயராஜ் MA ML அவர்கள். இந்த உரையே அவரின் இறுதி உரையாக அமைந்து விட்டது.

01) அம்பேத்கரிஸ மாற்றும் பௌத்த அறிஞர்கள் அறக்கட்டளை (ABI)ன் நோக்கம் என்ன?

இன்றுவரை எவரும் பாபா சாகிப் கட்டுரைக்கு எதிர்ப்பு கருத்தை அல்லது மாறுபட்ட கருத்தை சொன்னதில்லை. அதனால் பாபா சாகிப் எழுத்துக்களும் பேச்சுக்களும் மாறுதலிக்கமுடியாதவை. பாபா சாகிப் அம்பேத்கர் பட்டியல் இனத்தை சார்ந்தவர் என யாரும் நினைக்கக்கூடாது. அவரின் தத்துவங்களை வைத்துதான் நான் அவரை நேசிக்கிறேன். பகவன் புத்தர் மற்றும் பாபா சாகிப் போதித்த தத்துவங்களுக்கு ஈடு இணை ஏதுமில்லை. ஆகா இப்படிபட்டவரை LKG மற்றும் UKG படித்தர்களுடன் ஒப்பிட்டு, இறுதியில் இவர்களை பாபா சாகிப் அவர்களுக்கு கீழே வைத்துவிடுகின்றனர். அம்பேத்கரிஸ்ட் என்று சொல்பர்களும் இந்த தவறை செய்கின்றனர். இது கூடாது என்பதால் தான் ABI இந்த சிரமத்தை எடுத்துக்கொள்கிறது.

பாபா சாகிப் எப்படி பட்டவர், இந்த சமூகத்திற்கு எப்படி அற்பணித்துக்கொண்டார், என்னென்ன தியாகங்கள் கொண்டுவந்தார் என்பதை பாபா சாகிப் எழுத்தும் பேச்சும் படித்தால் போதும் புரிந்து கொள்ள முடியும்

02. இந்தியாவில் சாதிகள் இந்த தலைப்பில் பாபா சாகிப் ஆய்வு என்ன?

1916 (Caste in India) இந்தியாவில் சாதிகள் - பாபா சாகிப் எழுத்தும் பேச்சும் (English Volume 1 First 26 Pages தமிழ் தொகுதி1 35-40 பக்கங்கள்).

இந்த உரை 1917 அன்றே பதிவு செய்யப்பட்டு வெளியிடப்பட்டது. 107 ஆண்டுகள் கடந்தும் இந்த மாபெரும் தலைப்பு "இந்தியாவில் சாதிகள்" கவுண்டர், பறையர், நாயக்கர், ஐயர் என்று பேசுவதில்லை. கீழ் கண்ட தலைப்புகளில்  தான் பாபா சாகிப் ஆய்வு செய்கிறார்.

• சாதி எவ்வாறு துவங்கப்பட்டது? 

• சாதி உருவானதற்க்க்கான கரணங்கள் என்ன?

• சாதியை இயக்கக்கூடிய வழிமுறைகள் என்ன?

• இந்த நாட்டை ஆட்டி படைப்பதற்கான ஒரு கொடூரமான தத்துவமாக எவ்வாறு வந்தது?

மகாராஷ்டிராவில் பண்பாடு பழக்கவழக்கங்கள் இதைபற்றி பாபாசாகிப் ஆய்வு செய்ய இருந்தார். ஆனால் இந்தியாவின் பொதுநலன் கருதி இந்தியாவில் சாதிகள் அதன் அமைப்புத் தோற்றம் வளர்ச்சி என்று எழுதி அதனை சமர்ப்பித்தார். இக்கட்டுரை பார்த்தால் சாதாரண கட்டுரை போன்று தெரியும். ஆனால் அன்றைக்கு ஜாம்பவான் என்று அறியப்பட்ட (Nesfield)  நேசபையில்ட் (Risley) ரைசீலி கேட்கர் (Ketkar) ஜாம்பவான்களை என்ன பெரிதாய் சொல்லிட்டா பெரிய சுண்டைக்காய் மாதிரி என்று சொல்லி இந்த கட்டுரையை சமர்ப்பித்துள்ளார். 

ஒவ்வொரு துறையிலும் ஒவ்வொரு பொருளிலும் யார் யார் மிகப்பெரிய தத்துவங்களை அளித்தார்களோ அவர்களின் எழுத்துக்களை பார்ப்போம் என்றால் குறை சொல்லிவிட்டு பேசுவார். இந்த குறை ஏன் என்றால் காரண காரிய கோட்ப்பாடு ஆய்வுகளின் அடிப்படையில் பதிவு செய்து இருக்கிறார். இப்படி ஆழமான கருத்துக்கை அறிவுக்கு உட்படுத்தி அந்த கருத்துக்களை பாபா சாகிப் பின்னால் வைத்து பின்னர் அவர்களின் கருத்துக்களை பாபா சாகிப் கருத்துக்களுக்கு முன்னால் எடுத்து செல்வது மிக மோசமானது. 

03. ஜாதி என்றால் என்ன?

முதன்முதலில் இதனை வருணம் என்று சொன்னார்கள். இந்த வர்ணம் தான் ஜாதியாக பிரிந்து பிரிந்து செல்கிறது (Sub Division). பார்பனர்களில் 1300 + ஜாதிகள் இருக்கிறது. (பாபா சாகிப் தொகுதி 5ல் அதன் பட்டியலை தருகிறார்) தென் திசையில் உள்ள பேச்சு "எள்ளுவகை எண்ணாலும் பல்லுவகை எண்ணமுடியாது". ஜாதிகள் அவ்வளவு இருக்கிறது. 

Scheduled Caste (SC) என்ற சொல்லால் தான் பாபா சாகிப் நம்மை பயன்படுத்தார். தலித்துகள், தாழ்த்தப்பட்டவர்கள், ஹரிஜன் என்ற சொல்லாடலை பயன்படுத்தியதில்லை. 118 துணை பிரிவு 4 வருணங்கள். நான்கு வருணங்கள் தான் 6000 ஜாதிகளாக வந்துள்ளது. இந்தியா பிளவு பிளவு நோக்கி தான் சென்றுகொண்டு இருக்கிறது.

இந்த ஒவ்வொரு அலகும் (Unit  Enclosed) தனக்குள் மூடிக்கொள்வது. இந்த ஒரு அலகுக்கும் மற்றோரு அலகுக்கும் எந்த தொடர்பும் இல்லை (Gated Community) இந்த 6000 ஜாதிகள் லட்சமாக கூட போகும்.

ஜாதி என்பது பன்மை. ஒன்றுக்கும் மேற்பட்ட மக்கள் இருந்தால் தான் அது பிரிவினையாகும். இந்திய மக்கள் தொகை செயற்கை முறையில் பிரிவினை செய்கின்றனர். அதனால் இது ஒவ்வொன்றும் ஒரு அலகு (unit ) இந்த அலகு சிறிதாகவும் இருக்கலாம், பெரிதாகவும் இருக்கலாம். உதாரணமாக ஒவ்வொரு ஜாதி மக்கள் தொகை ஒவ்வொரு விதமாக இருக்கும் (வேறுபட்டு இருக்கும்). ஒவ்வொரு ஜாதியும் ஒரு அலகு. இந்திய மக்கள் தொகை செயற்கை முறையில் பிரிக்கப்பட்ட ஒரு அலகு. இந்த அலகு தான் ஜாதி.

04. இந்து திருமண சட்டம் கொண்டுவந்தவர் யார் ?

இந்து திருமண சட்டம் கொண்டுவருவதற்கு முன் சாதி விட்டு சாதி திருமணம் செய்துகொண்டால் நீதி மன்றம் அந்த திருமணம் செல்லாது என்று 1955 வரை தீர்ப்பு வழங்கிருக்கிறது. நீதி மன்றத்திலும் ஜாதி என்பது அங்கிரரிக்கப்பட்டது. இது இந்து மத கோட்பாட்டின் படி தீர்மானித்தது. 1955ல் தான் பாபா சாகிப் அம்பேத்கர் இந்து திருமண சட்டம் கொண்டுவந்தார். 

 

05. ஜாதி எப்பொழுது உருவானது?

இந்தியாவில் பல்வேறு இனக்குழுக்கள் இருந்தன. திராவிடர்கள், ஆரியர்கள், மங்கோலியர்கள், சிந்தியர்கள். இது போன்று பல்வேறு இனக்குழுக்கள் உள்ளது. இவைகள் தனிப்பட்ட பழக்கவழக்கங்கள் வைத்துகொன்று இருந்தனர். ஜாதி என்று ஒன்று வருவதற்கு முன் அவர்கள் தங்களுக்குள் திருமணம் செய்துகொண்டனர். புறமணம் (Exogamy)

அலகு மூடிக்கொண்டது, தங்களுக்குள் திருமணம் செய்துகொண்டது. இதற்கான அடையாளம் தான் பல சாதிகள் பிரிந்தது. இவர்கள் பிற அலகுடன் சேரமுடியாமல், சேராமல் அகமணம் (Endogamy) ஏற்பட்டது.  

தத்துவத்தை புரிந்துகொண்டு ஒரு மனிதனை தத்துவ ரீதியாக எடை போடவேண்டும் என்றைக்கிறார் பாபா சாகிப். வாழ்வியலை பற்றி ஒவ்வொரு மதமும் ஒவ்வொரு விதமாக சொல்வது தான் தத்துவம். இந்துவின் தத்துவம் இந்துத்துவா. இந்துவின் கோட்பாடு ஜாதி.  ஜாதி தான் இந்துத்துவ கோட்பாடு. கிறித்துவர்கள் யேசுநாதரின் கோட்பாட்டை ஏற்றுக்கொண்டனர். அவர்களுக்கு ஜாதி கிடையாது இதை போன்று தான் இஸ்லாம்.

பகவான் புத்தர் (Sutta Nibatha) சுத்த நிபாத அதற்கு மேல் அசலாய சுத்தா, வசுத்தே சுத்தாவில் இன விருத்தி என்பது பெண்ணின் கருவுக்கும் ஆணின் விந்துவுக்குமான உறவு தான் பிறப்பு. இந்த கருத்தை எந்த மதமும் சொல்லவில்லை. ஜாதி என்பது இங்கு செயற்கை.

இது கடவுளால் உருவாக்கப்பட்டது என்று இந்து மதம் போதிக்கிறது. இந்து என்று சொன்னால் அவன் ஜாதியை ஏற்றுக்கொண்டவன் என்று பொருள். இதனை மீற இந்துவுக்கு உரிமை இல்லை.  சமத்துவம் பேசும் யாரும் இந்துவாக இருக்க முடியாது. 

ஒரு குழு அந்த குழுவுக்குள் திருமணம் செய்துகொள்வது தான் ஜாதி என்றுரைக்கிறார் (Ketkar) கேட்கர். பௌத்தத்தில் ஜாதி என்றால் பிறப்பு என்று பொருள். இந்த பாலி மொழி சொல்லை வைதிகம் களவாடி கோச்சையாக  பயன்படுத்தி இருக்கிறது. பாபா சாகிப் இங்கே ஒரு தர்க்கம் (logic ) பயன்படுத்துகிறார். 

(A) ஒரு குழுவில் ஆண் மற்றும் பெண் சம எண்ணிக்கையில் இருக்கின்றனர் என்றால் அந்த குழுவில் அகமண  திருமணத்தில் எந்த பிரச்சனையும் இல்லை.  (ஆண் 50 =  பெண் 50) 

(B) இந்த குழுவில் ஒரு ஆண் இறந்து விடுகிறான் என்றால் ஒரு பெண் உபரியாக (Surplus) உள்ளார்.  (ஆண் 49 (50-1) =  பெண் 50). உபரி பெண்ணுக்கு  துணை கிடைக்காமல் போய்விடும்- அந்த பெண்ணிற்கான இணை வேறு ஒரு குழுவில் இருந்து தான் பெறமுடியும். புறமணத்திற்கு சென்றுவிடக்கூடாது. இதனை தடுக்க மூன்று வழிகள் பயன்படுத்தபடுகிறது.

• (1) உபரியாக உள்ள பெண்ணை கொல்வது. கணவனை இழந்த பெண்ணை உடன்கட்டை (சதி) மூலம் கொல்வது. 

• (2) கணவனை இழந்த பெண்ணை விதவையாக வைத்து இருத்தல்.  

• (3) சிறுமி திருமணம். சிறு வயதிலே திருமணம் ஏற்பாடு (அ) துணையை நிச்சயம் செய்துவிடுதல்.  சிறுமி வயது அடைவதற்கு முன் துணையார் இறந்துவிட்டால் அச்சிறுமியும் விதவையாகிவிடுவாள். சாதியை நிலை நிறுத்த இந்த சமூக கொடுமைகளை புனிதமாக கருதுகின்றனர் 

(C) இந்த குழுவில் ஒரு பெண் இறந்து விடுகிறாள் என்றால் ஒரு ஆண் உபரியாக (Surplus) உள்ளார். (ஆண் 50 = பெண் 49 (50-1)). அந்த ஆணுக்கான இணை வேறு ஒரு குழுவில் இருந்து தான் பெறமுடியும். இதனை தடுக்க பெண்ணிற்கு பயன்படுத்திய முறையை பின்பற்ற முடியாது. ஏன் என்றால் ஆண் அதிகாரம் மிக்கவன். கட்டுப்பாட்டை மீறுவான்.  உபரியாக உள்ள ஆண் கட்டாய துறவு மேற்கொள்ளவேண்டும். உண்மையான சாமியாரால் எந்த பிரச்சனையும் இல்லை. கட்டாய துறவில் அவர்கள் ஒழுங்கீனமாக இருக்கிறார்கள். ஆண் ஆதிக்க சமூகத்தை சேர்ந்தவன்.  

சாதி என்பது அகமணமுறை. இந்த அகமணமுறை என்று சமூகத்தில் நிலைநிறுத்தப்பட்டதோ  அன்று தான் சாதி தோற்றுவிக்கப்பட்டது. சாதி என்பது அகமணமுறை (சதி, விதவை, சிறுவர் திருமணம் மற்றும் துறவு) துறவு என்பது வலுவானது இல்லை. துறவு வாழ்வு மிகக்குறைவு. துறவு வாழ்வில் ஒழுங்கீனம் தான் நடைபெறும் எனவே அகமண முறைக்கு இது உதவாது.

06. அகமண முறை இயக்கி எது?

இப்பொழுது இடுப்புக்கு கீழே தான் கால்சட்டை (Pant) வருகிறது. இதில் அணியும் பனியன் எல்லாம் வெளியே தெரியும். இதனை பார்க்க அருவெறுப்பாக இருக்கும். இது தான் பாணி (Style ஸ்டைல்) என்று ஒருவர் சொல்கிறான். அதனை அப்படியே காப்பி அடிக்கிறோம். இதற்கு முன்பு (Tight pant) இறுக்கமான பேண்ட் அணிந்துகொண்டு இருந்தோம். அதற்க்கு முன்பு பெல் பேண்ட்  அணிந்துகொண்டு இருந்தோம். அதற்க்கு முன்பு (Correct Fitting) சரியாக பொருத்தமாக அணிந்துகொண்டு இருந்தோம். இது எப்படி மாறுகிறது என்றால் காப்பி அடித்தல் முறையினால். காப்பி அடித்தல் முறையினால் சாதி அபிவிருத்தி அடைகிறது.

அவா வந்தா, அவா ஆபீஸ்க்கு வந்துட்டா என்று பெருமையாக பேசுவார். இந்த பேச்சு முறை பிராமணர்களின் பேச்சு முறை. பிராமணர்களை போல பேசுவதால் அவர்களை போன்று உயர்ந்தவர்கள் என்று தோற்றத்தை ஏற்படுத்துவர்   (Imitation) ஒருவரைப்போல் இன்னொருவர் மாற்றிக்கொள்வது காப்பி. இது (காப்பி) தான் அகமண முறை இயக்கி  (Mechanism)

07. முழுமையாக சதி, விதவை குழந்தை திருமணம் ஆகியவற்றை பின்பற்றுபவர் யார்?

ஆங்கில ஆய்வாளர் (Gabriel Tarde) கேப்ரியல் டார்டே காப்பி அடித்தலை மிக விஞ்சான பூர்வமாக ஆய்வு செய்து வெளியிட்டுருக்கிறார். எது உயர்வாக இருக்கிறதோ அதை தான் பின்பற்றுவர். எப்போதும் காப்பி அடித்தல் Higher to Lower. தரம் குறைந்தால் அதனை பின்பற்றுவதில்லை. பிசைக்காரன் போல் ஆடை அணிந்து கொண்டு செல்வார்களா? சாதி தெரிந்துவிடக்கூடாது, உயர்வான மதிப்பு அடையவேண்டும் என்று தான் காப்பி அடிக்கப்படுகிறது. 

அருகில் உள்ளவர்கள் காப்பி அடித்தல் அதிகமாகவும் தொலைவில் உள்ளவர்கள் காப்பி அடித்தல் குறைவாகவும் இருக்கும். பிராமணன், சத்திரியன், வைசியன் மற்றும் சூத்திரன் என்பது தான் நான்கு வருணம். இதில் SC மற்றும் ST இனமக்கள் இந்த வருண கோட்பாட்டில் வரவில்லை.

பிராமணனுக்கு மிக அருகில் இருப்பது சத்திரியன். ஆகா சத்திரியன்  பிராமணனை 80% to 90 % காப்பி அடிப்பர். சத்திரியனுக்கு அடுத்து வைசியன். வைசியன் பிராமணனை 60% to 70% காப்பி அடிப்பர். இந்த வருணைக்கோட்பாட்டில் இறுதில் உள்ளது சூத்திரன். சூத்திரன் பிராமணனை 30% to 40% காப்பி அடிப்பர்.

அருகில் இருப்பவர் வீரியமாகவும், அதிகமாகவும் (Higher) காப்பி அடிப்பர். தொலைவில் உள்ளவர்கள் வீரியமின்றி குறைந்த அளவு (Lower ) காப்பி அடிப்பர்.

பிராமணன் முழுமையாகவும், சரியாகவும் சதி, விதவை குழந்தை திருமணம் ஆகியவற்றை பின்பற்றுவான். அருகில் உள்ள சத்திரியன் சதியை பின்பற்றமாட்டான், ஆனால் விதவை மற்றும் குழந்தை திருமணத்தை பின்பற்றுவான். பின்னர் உள்ள வைசியன் சதி, விதவை முறையை பின்பற்ற மாட்டார்கள் ஆனால் குழந்தை திருமணத்தை பின்பற்றுவர். பின்னர் உள்ள சூத்திரன் சதி, விதவை முறையை பின்பற்ற மாட்டார்கள் ஆனால் குழந்தை திருமணத்தை பின்பற்றுவர்     

08. சாதியை  உருவாக்கியது யார்? 

இந்த அகமண முறையில் உள்ள மூன்று முறைகளை (சதி, விதவை, குழந்தை திருமணம்) உறுதியாக பின்பற்றுகின்றனரோ அவர் தான் சாதியை உருவாக்கி இருப்பர். அவர்கள் ஏற்படுத்திய சாதியை அவர்களே நீத்து போகசெய்யமாட்டார்கள். விதவைக்கு மொட்டை அடித்து, தலைக்கு முக்காடு போட்டு விடுவார்கள். நல்லது கேட்டது எதிலும் கலந்து கொள்ள செய்யமாட்டார்கள். அதை தாண்டி சென்றால் சமூகத்தில் மதிப்பளிக்க மாட்டார்கள்.  புழுங்கி புழுங்கி விதவை கோலத்தில் சாகவேண்டும். 

இப்பூ உலகில்    அதிக அனுகூலங்களை அனுபவிப்பவர்கள் பிராமணர்கள். அவர்கள் பூலோக கடவுள். அவர்களை வீட்டுக்கு அழைத்து நம்மை ஆசிர்வதிக்க வேண்டுவோம். 

சோனியா காந்தி கிறிஸ்துவமதத்தை சார்ந்தவர். பிராமணர்களை கூப்பிட்டு வேள்வி வளர்த்து பிரமணரிடம் ஆசீர்வாதம் பெற்றார். ஆசிர்வாதம் பெற்ற பின் MP பதவிக்கு மனு தாக்கல் செய்கிறார். நாங்கள் தான் (பிராமணர்கள்).புலோக கடவுள். நல்ல நாள் கெட்ட நாள் மற்றும் திருமண செய்துவைப்பர்.

09. சாதிய வளர்ச்சிக்கு கரணங்கள் யாவை?

01. காப்பி அடித்தல் (Imitation)

02.  சாதிய வன்மங்கள் (வன்முறைகள்) - Punishment

  

10.  சாதிய வன்மங்கள் (வன்முறைகள்) என்பது எப்படி தெரிகிறது?

அகமண முறையை மீறினால் கொலை செய். சாதி விட்டு சாதி திருமணம் செய்வது அகமண முறையை தகர்கின்ற செயல். எனவே (திருச்செங்கோடு கோகுல்ராஜ்) அவர் கொல்லப்பட்டார்.

சாதியால் ஒவ்வொரு சாதியும் என்ன செய்யவேண்டும் என்றிருக்கிறது. 

1.  ஒவ்வொரு சாதியும் என்ன தொழில் செய்யவேண்டும்? 
2. எந்த விதமான ஆடையை அணிய வேண்டும்? 
3. எந்தெந்த உணவை எடுத்துக்கொள்ளவேண்டும்? etc 


இதனை மீறக்கூடாது. நாங்குநேரியில் பள்ளி மாணவரை ஏன் அடித்தனர்? அவன் நன்றாக படிக்கிறான் என்பதால். SC இன மாணவன் நன்றாக படிக்கக்கூடாது. அதானல் சிகரெட் வாங்கிட்டு வா, இதை வாங்கிட்டு வா, அதை வாங்கிட்டு வா என்று எடுபிடி வேலையை கொடுத்து செய்ய செய்தார்கள். அதனால் அம்மாணவன் பள்ளிக்கூடம் செல்லவில்லை. இது தான் இந்து மனப்பான்மை.


பாலத்தின் மேல் ஒரு SC இனத்தை சேர்ந்த ஒருவன் உட்கார்ந்து இருந்தான். அவ்வழியாக சென்ற வேறு சமூகத்தினர் அவனை அடித்து கொன்றனர். 


இன்னொரு SC இனத்தை சேர்ந்த ஒருவன் சபரிமலை அருகில் சண்டை போட்டவர்களை விலக்கிவிட்டான். ஏண்டா விலக்கிவிட்டாய் என்று அவனை அடித்து துன்புறுத்தினர். இது எல்லாம் சாதி வன்மங்கள்   


மகாராஷ்டிரத்தில் பிராமணர் வேட்டி அணிவது போன்று வேறு ஒரு சமூகம் அணிந்தது. இந்த இமிடேஷன் (காப்பி அடித்தல்) கூடாது என்று அரசு வரை கொண்டு சென்று தடுத்தனர்.


நமஸ்காரம் என்பது பிராமணர்கள் பயன்படுத்திடும் சொல். இதை வேறு ஒரு சமூகம் பயன்படுத்த கூடாது என்று அரசு வரை சென்று தடுத்தனர்.


இந்த சாதியினரை இப்படித்தான் புதைக்கவேண்டும் என்று இருக்கிறது. இறந்த உடலை எரிப்பது உயர் சாதிக்கு உரியது.  மீறி எரித்தால் பழிவாங்குவர்.  இந்த இமிடேஷன் சாதிக்கு உட்பட்டு இருக்கவேண்டும்.


சாதி இருக்கும் வரை SC இன மக்களுக்கு முன்னேற்றம் இல்லை என்றுரைக்கிறார் Dr.அம்பேத்கர். இந்துக்கள் என்போர் சாதி வன்மனத்தில் திளைத்தோர்.  இதில் இருந்து விடுதலை பெற உங்களை இழிவு படுத்தும் மாதத்தில் இருந்து நீங்கள் வெளியேறவேண்டும். 

11. Gated Community 

சாதியை படைத்தான் பிராமணன். அவன் தங்கள் கதவுகளை மூடிக்கொண்டான். கதவுக்கு வெளியே இருப்பவர்கள் அவர்களும் பிராமணன் செய்வது போன்று இமிடேட் காப்பி அடித்து தங்கள் கதவுகளையும் மூடிக்கொண்டனர்.  இப்படி ஒன்றை பார்த்து ஒன்று காப்பி அடித்து தங்கள் கதவுகளை மூடிக்கொண்டது.   சாதி விட்டு சாதி திருமணம் செய்து கொண்டால் அவர்களை சமூகத்தில் இருந்து விலக்கிவைத்து விடுவர்   

12. சாதியை ஒழித்தது யார்?

1955 க்கு முன் அகமண முறையே சட்டமாக இருந்தது. 1955 இந்து திருமண சட்டம் வந்த பின்பு புறமணம் சட்டம் ஆனது. சாதியை ஒழித்தது Dr.அம்பேத்கார். சாதி மறுப்பு திருமணத்திற்கு சட்டம் இயற்றியது 

Dr.அம்பேத்கார். வேறு ஒருவரையும் சாதி மறுப்பு திருமணத்திற்கு நாம் சொல்வோம்.  அவர் எங்கே என்ன செய்தார்?  எந்த சட்டத்தை கொண்டுவந்தார்? இதை நீங்கள் ஆய்வுக்கு எடுத்துக்கொள்ள வேண்டும்.  ஏன் என்றால் இதை கஷ்டப்பட்டு பாடுபட்டவர்க்கு பெருமை சேர்க்கவேண்டும் ஒழிய நிடுவில் நின்று விட்டு போனவருக்கு எல்லாம் பெருமை சேர்க்கக்கூடாது. 

13. இந்து திருமண சட்டம் எதிர்த்தவர் யார் யார்? ஏன்?

அன்று இருந்த இந்து பெண்கள் இந்து திருமண சட்ட சட்டத்தை எதிர்த்தனர். காரணம் சாதி என்ற காரணத்தை தவிர வேறு ஏதும் இல்லை.

Parliamentல் முஸ்லிம்கள் இந்து திருமண சட்ட சட்டத்தை  எதிர்த்தனர்.  காரணம்  Dr.அம்பேத்கர் மதத்தில் தலையிடுகின்றார். எங்களுடைய பழக்கவழக்கங்கள் தலையிடுகின்றார். இதை நாங்கள் ஏற்றுக்கொள்ளமாட்டோம் என்று எதிர்த்தனர். 

14. இந்து திருமண சட்டம் யார் யாருக்கு?

அம்பேத்கர் 1916 ல் கொடுத்த கட்டுரைக்கு 1955 ல் இந்த அகமண முறையை தகர்த்து சட்டம் கொண்டுவருகிறார். புறமண முறைக்கு கொண்டுசென்று விட்டார். இந்து திருமண சட்டம் என்பது  கலப்பு திருமணம்  மதங்களுக்கு இடையிலான திருமணம். 21 வயது அடைந்த ஒரு ஆண் 18 வயதை அடைந்த பெண்ணை திருமணம் செய்துகொள்ளலாம். அப்பெண் எந்த சாதியாகவும் இருக்கலாம், வருணத்திற்கு வெளியே உள்ள SC இனமாகவும்  இருக்கலாம், 

01. இந்து திருமண சட்டத்தில் விதவை மறுமணம் செய்துகொள்ளலாம் 

02. விவாகரத்து மனு Divorce Petition பெண்களும் போடலாம்   

இந்து, சீக்கியர், ஜைனர் மற்றும் பௌத்தம் ஆகிய நான்கு மதத்தவர்க்கும் தான் இந்து திருமண சட்டம். 21 வயது அடைந்த ஒரு இந்து ஆண் 18 வயது அடைந்த ஓர் இந்து பெண் அல்லது ஓர் சீக்கிய பெண் அல்லது ஜைன பெண் அல்லது பௌத்த பெண்ணை திருமணம் செய்து கொள்ளலாம். ஆகவே இது Inter Religious Marriage  

இந்து மதம் அழிந்து விடக்கூடாது என்பதற்காக புரட்சி வேடம் போட்டவர்கள், கம்யூனிஸ்ட் எல்லாம் இந்து என்று சட்டம் சொல்கிறது என்று எதிர்த்தனர். ஒருவர் இதில் இணைக்கப்பட்ட காரணத்தால் அவர் இந்து எனக்கருத முடியாது என்னும் ஒரு விதி இந்த சட்டத்தில் உள்ளது. Section 5A Hindu Marriage Act  

Article 25 இந்து என்ற இடத்தில் சீக்கியர் என்று போட்டுக்கொள்ளுங்கள். அவன் என்று நீங்கள் எது எழுதினாலும் அது பெண்ணாக இருக்கும் பொது அவள் என்பதையும் குறிக்கும். இந்து சீக்கியர் ஜைனர் மற்றும் பௌத்தர் திருமண சட்டம் என்று பெயர் கொள்ளவேண்டும். அனால் அப்பெயர் மிகப்பெரியது. பௌத்தம் இந்து மதத்தின் ஒரு பிரிவு என்று சொல்கின்றனர்.  அம்பேத்கர் 22 உறுதிமொழிகளை ஏன் கொடுத்தார்? அவை இந்து மதத்திற்கு எதிரானவை. குஜராத் மோடி 22 உறுதிமொழிகளை படமாக இருந்ததை ஏன் நீக்கினார்? பௌத்தம் இந்து மதத்தின் ஒரு பகுதி அல்ல. பௌத்தத்தை அழிப்பதற்காக உருவாக்கப்பட்ட சொல் அது. பௌத்த மத அடையாளங்கள், சான்றுகள் அழிப்பதற்காக உருவாக்கப்பட்டது.

  

ஜெய் பீம்